Канело 20 жылдық мансабын жаңа шыңмен жалғастырмақ
Сауль «Канело» Альварес. Фото: Getty Images
Мексикалық бокс аңызы Сауль «Канело» Альварес (62–2–2, 39 КО) биыл қазан айында кәсіпқой рингтегі 20 жылдығын атап өтпек. 15 жасында алғашқы жекпе-жегін өткізген боксшы бүгінде әлемдік бокстың жарық жұлдызына айналды. Қазіргі таңда оның есебінде 66 жекпе-жек және бірнеше әлемдік белбеу бар. 34 жастағы Альварес әзірге спорттан кетуді ойламайды.
Riyadh Season жобасымен жасасқан келісімшартқа сәйкес, Канело алдағы уақытта тағы төрт жекпе-жек өткізуі тиіс. Алғашқысы 3 мамырда Эр-Рияд қаласында өтеді. Онда ол жеңіліп көрмеген кубалық Уильям Скуллмен (23–0, 9 КО) жұдырықтасады. Бұл жекпе-жекте IBF, WBA, WBC, WBO және The Ring титулдары сарапқа салынады.
Егер Канело жеңіске жетсе, келесі қарсыласы Теренс Кроуфорд болуы мүмкін. Бұл мегажекпе-жек 13 қыркүйекке, Лас-Вегасқа жоспарланған. Альварес өзін бұрынғыдан да мықты сезінетінін айтып, карьерасын кемі 37 жасқа дейін жалғастыруы мүмкін екенін жеткізді.
Айбар Рысдаулет
Ангелина Лукас келесі жекпе-жегін жариялады
Винисиус кетсе, «Реал» Холландқа қол созуы мүмкін