Месси тарихтағы ең бай спортшылардың үздік бестігіне енді
Лионель Месси. Фото: Getty Images
«Интер Майами» клубында ойнап жүрген аргентиналық шабуылшы Лионель Месси әлем тарихындағы ең көп табыс тапқан спортшылардың алғашқы бестігіне кірді.
Мессидің мансап жолындағы жалпы табысы — 1,85 миллиард доллар. Бұл сомаға оның ойыншы кезіндегі жалақысы, бонустары, жарыс жүлделері, жарнама келісімшарттары мен түрлі гонорарлары кіреді. Осылайша ол алтыншы орыннан бесінші орынға көтерілді.
Бұл тізімде көш басында — Майкл Джордан (4,15 млрд), одан кейін Тайгер Вудс (2,79 млрд), Криштиану Роналду (2,23 млрд) және Леброн Джеймс (1,88 млрд). Айта кетейік, Месси «Барселонамен» төрт рет Чемпиондар лигасын, Аргентина құрамасымен 2022 жылғы әлем чемпионатын және екі мәрте Америка Кубогын жеңіп алған. Сонымен қатар ол сегіз рет «Алтын доп» иегері атанған.
Айбар Рысдаулет
«Бешікташта» өзгеріс: Зайнутдинов пен Иммобиле жазда кетуі мүмкін
Астанада таэквондодан халықаралық турнир өтеді