Бесінші турдағы даулы сәттер: төрешілердің түсіндірмесі жарияланды
Фото: Getty Images
Қазақстан футбол федерациясының төрешілік және инспекция департаменті Премьер-лиганың 5-турында орын алған даулы эпизодтарға қатысты ресми түсіндірме берді. Талдау «Ордабасы» – «Жетісу», «Жеңіс» – «Елімай», «Тобыл» – «Ақтөбе» және «Тұран» – «Астана» матчтарын қамтиды.
«Ордабасы» ойынында «Жетісу» ойыншысы төреші шешіміне ашық наразылық білдіріп, алаңнан қуылуы тиіс болған, бірақ төреші бұл сәтті байқамай қалған. Сонымен қатар, матчта қауіпті ойын мен үміт күттірер шабуылды тоқтату сәттері тіркелді — бұл эпизодтарға да VAR араласқан жоқ.
«Жеңіс» – «Елімай» кездесуінде алаң иелерінің бапкері ережені бұзып, алаңға кіріп, допты қасақана тепкені үшін қызыл қағаз алуы керек еді. Ал «Тобыл» – «Ақтөбе» ойынында шабуыл кезінде қарсыласын итеріп жіберген фолдан кейін соғылған гол VAR көмегімен әділ түрде жоққа шығарылды. Ұқсас жағдай «Тұран» – «Астана» матчында да болды: бейнетексеруден соң төреші пенальти шешімін өзгертіп, ойын даулы доппен қайта басталды.
Айбар Рысдаулет
Пэдди Пимблетт қазан айында октагонға оралады
Шавкат Рахмоновтың октагонға оралатын уақыты белгілі болды