Месси, Суарес, Неймар – ХХІ ғасырдың ең үздік шабуыл триосы атанды
Фото: NurPhoto via Getty Images
Goal спорт порталы Еуропа клубтарында XXI ғасырда ойнаған ең мықты шабуылшылар үштігінің рейтингін жариялады. Көш басында – «Барселонаның» әйгілі триосы: Лионель Месси, Луис Суарес және Неймар.
MSN деп аталған бұл үштік 2010 жылдардың ортасында каталониялық клуб шабуылын үстем етті. Олар бірге жүріп Чемпиондар лигасын, Испания чемпионатын және Кубогын жеңіп алып, тарихтағы ең нәтижелі шабуыл желісінің біріне айналды.
Екінші орында – мадридтік «Реалдың» шабуылы: Карим Бензема, Гарет Бэйл және Криштиану Роналду. Үштікті тағы да «Барселонаның» басқа құрамындағы жұлдыздар – Тьерри Анри, Самюэль Это′О және Лионель Месси түйіндеді. Бұл үштік 2009 жылы клубқа атақты требл әкелген.
Сондай-ақ үздіктер қатарына «Манчестер Юнайтед», «Ливерпуль», «Арсенал», «ПСЖ», «Челси», «Боруссия Дортмунд» және «Портудың» аңызға айналған шабуыл үштіктері енген. Олардың әрқайсысы өз дәуірінде ерекше ойын өрнегімен есте қалды.
Айбар Рысдаулет
Таразда туған шабуылшы Қазақстан құрамасына шақырту алуға қарсы емес
Балауса әлем чемпионы атағына таласуы мүмкін – шешуші жекпе-жек жыл соңына жоспарланып отыр