«Реал» Винисиусты 300 миллион еуроға сатуға дайын
Винисиус Жуниор. Фото: Europa Press via Getty Images
«Реал» Винисиус Жуниорды осы жазда сатып жіберуге қарсы емес. FootballTransfers мәліметінше, егер мадридтік клуб 300 миллион еуро көлемінде ұсыныс алса, трансфер жүзеге асуы мүмкін.
Бразилиялық шабуылшыға Сауд Арабиясының командалары – «Аль-Ахли» мен «Аль-Наср» қызығушылық танытып отыр. Олар Винисиуске Криштиану Роналду алғандай жалақы ұсынуға дайын – жылына 200 миллион еуро. Ал «Реалмен» жаңа келісімшарт жөніндегі келіссөздер баяу жүріп жатыр, бұл жағдай ойыншының кету ықтималдығын күшейте түсті.
Егер Винисиус расымен сатылса, «Реал» түскен қаржыны жаңа жұлдыздарды сатып алуға жұмсауы мүмкін. Олардың қатарында «Манчестер Ситидің» шабуылшысы Эрлинг Холанд та бар. Биылғы маусымда Винисиус 37 ойында 18 гол соғып, 11 нәтижелі пас берген.
Оның қазіргі келісімі 2027 жылға дейін жарамды. Бірақ клубпен арадағы қарым-қатынастың нашарлауы бразилиялық футболшының «Сантьяго Бернабеу» стадионын жақын арада тастап кетуіне себеп болуы ғажап емес.
Айбар Рысдаулет
Қазақ боксшылары Бакуде өтетін «Жібек жолы» турнирінде бақ сынайды
Мейірім Нұрсұлтанов әлем чемпионы атағына бір қадам жақындады