Мексика футболының аңызы мансабын аяқтады
Мексика құрамасының аңызға айналған қақпашысы Гильермо Очоа кәсіби мансабын аяқтағанын мәлімдеді, деп хабарлайды Pin-UpSport.kz.
41 жастағы қақпашы бұл шешімін X әлеуметтік желісіндегі парақшасында жариялады. Ол жанкүйерлерге арнаған жазбасында отбасына, командаластарына және өзін қолдаған барша футбол сүйер қауымға алғыс айтып, Мексика құрамасы үшін бар күшін салғанын жеткізді.
«Арманымның мені осындай биікке жетелейтінін ешқашан елестеткен емеспін. Бүгін өткен жолыма мақтанышпен қарап, баршаңызға алғыс айта аламын. Отбасыма, командаластарыма және осы жолда мені қолдаған әрбір жанкүйерге рақмет. Мен миллиондаған адамның махаббатын және Мексика үшін барымды салғаныма деген ішкі тыныштықты өзіммен бірге алып кетемін», – деп жазды Очоа.
Гильермо Очоа Мексика футболы тарихындағы ең үздік қақпашылардың бірі саналады. Ол ұлттық құрама сапында 150-ден астам матч өткізіп, 2006, 2010, 2014, 2018, 2022 және 2026 жылдардағы алты әлем чемпионатына қатысқан санаулы футболшылардың қатарына енді.
Айбар Рысдаулет
Transfermarkt ӘЧ-2026 қорытындысы бойынша футболшылардың бағасын жаңартты
«Челси» ойыншысы «Астон Виллаға» ауысты. Бұл Сәтбаевқа мүмкіндік беруі мүмкін