Сәкен Бибосынов қатысуы тиіс турнир ресми түрде өтпейтін болды
Сакен Бибосынов
Бішкекте өтуі жоспарланған «Bishkek Worldwide Clash» бокс кеші ресми түрде тоқтатылды, деп хабарлайды Pin-UpSport.kz.
Турнирдің өтпейтіні туралы SaikouLush Boxing Promotions промоушені мәлімдеді. Ұйымдастырушылар ресми хабарламада бұған күтпеген жағдайлар себеп болғанын айтты.
Сонымен қатар промоушен өкілдері турнирді күткен боксшылардан, жаттықтырушылардан, серіктестерден, демеушілерден және жанкүйерлерден кешірім сұрады.
Токио Олимпиадасының қола жүлдегері Сәкен Бибосынов бұл кеште жеңіліп көрмеген индонезиялық боксшы Сурия Дхармамен жұдырықтасуы тиіс болған. Бұл қазақстандық спортшының кәсіпқой рингтегі үшінші айқасы болуы мүмкін еді.
Еске салсақ, Сәкен Бибосынов кәсіпқой бокстағы дебютін 2025 жылдың шілде айында Бішкекте өткізген болатын. Сол кезде ол филиппиндік Кристиан Леганені бірінші раундта нокаутқа түсірген еді. Ал екінші жекпе-жегінде қазақстандық боксшы жергілікті спортшы Адилет Качкынбековті төрешілер шешімімен жеңді.
