«Арсенал» 22 жылдан кейін Англия чемпионы атанды
Лондондық «Арсенал» мерзімінен бұрын Англия Премьер-лигасының 2025/26 жылғы маусымындағы чемпионы атанды, деп хабарлайды Pin-UpSport.kz. «Манчестер Ситидің» «Борнмутпен» 1:1 есебімен тең ойнауы «канонирлерге» чемпиондықты қамтамасыз етті.
Микель Артета жаттықтыратын команда чемпиондықты маусым аяқталуына бір тур қалғанда рәсімдеді. Бұған дейін «Арсенал» үш маусым қатарынан екінші орын алып келген еді. Оның екеуінде «Манчестер Ситиге», ал өткен маусымда «Ливерпульге» жол берген болатын.
Осы маусымда лондондық клуб турнирлік кестеде көп уақыт көш бастап тұрды. Сәуір айында «Манчестер Ситиден» 1:2 есебімен жеңілгеніне қарамастан, команда чемпиондық жарыстағы артықшылығын сақтап қалды.
Команда капитаны Деклан Райс «Ситидің» тең ойынынан кейін әлеуметтік желіде «Арсенал» ойыншыларының суретін жариялап, «Бәрі шешілді» деп жазды. Осы нәтижеден кейін лондондық клуб чемпиондықты ресми түрде иеленді.
Бұл «Арсенал» тарихындағы 14-чемпиондық болды. Команда соңғы рет Англия чемпионатын 2003/04 жылғы маусымда Арсен Венгердің жетекшілігімен жеңіп алған еді. Сол кезде лондондықтар маусымды бірде-бір жеңіліссіз өткізіп, «жеңілмейтіндер» деген атауға ие болған.
