Бокстан Қазақстан құрамасы Черногориядағы турнирде бес медаль жеңіп алды
Қазақстандық боксшылар Черногорияның Будва қаласында өткен Montenegro Cup-2026 халықаралық турнирінде бес медаль жеңіп алды, деп хабарлайды Pin-UpSport.kz. Жарыс 15–21 наурыз аралығында өтті.
Құрама сапындағы жалғыз алтын медальді 90 келіден жоғары салмақта өнер көрсеткен Салауат Тлекбай иеленді. Күміс жүлдені 54 келіге дейінгі салмақта Томирис Мырзакул жеңіп алды. Сонымен қатар, қазақстандық үш спортшы қола жүлдегер атанды.
Гүлназ Бурибаева (48 кг), Анастасия Баязитова (70 кг) және Жібек Жарасқызы (80 кг) өз салмақ дәрежелерінде үшінші орын иеленді. Осылайша, Қазақстан құрамасы турнирді бес медальмен аяқтады.
Жалпы, жарысқа Қазақстаннан сегіз боксшы қатысты, оның ішінде екі ер адам және алты әйел болды. Турнирге Украина, Қырғызстан, Польша, Австрия, Мексика, Сербия, Косово, Черногория, Германия, Молдова, Солтүстік Македония, Грекия, Бельгия, Әзербайжан, Албания, Словакия және Босния және Герцеговина елдерінің спортшылары да қатысты.
Айбар Рысдаулет
Қазақстандық жас шабуылшы «Атлетико» клубына қаралымға барды
Әмір Омарханов Тунистегі турнирінің чемпионы атанды