Елена Рыбакина Индиан-Уэллстегі WTA 1000 турниріндегі ықтимал қарсыластарын білді
Фото: WTA
Қазақстанның бірінші ракеткасы әрі әлемдік рейтингте үшінші орында тұрған Елена Рыбакина Индиан-Уэллсте өтетін WTA 1000 санатындағы турнирдің жарыс кестесін білді, деп хабарлайды Pin-UpSport.kz. АҚШ-та өтетін бұл турнир 1–15 наурыз аралығында ұйымдастырылады және маусымның маңызды додаларының бірі саналады.
Рейтингтегі жоғары орнының арқасында Рыбакина алғашқы айналымды өткізіп, жарысты екінші кезеңнен бастайды. Бұл сатыда оның ықтимал қарсыластары — Эмилиана Аранго немесе Хейли Баптист. Үшінші айналымда Марта Костюк не Мария Боузковамен кездесуі мүмкін.
Төртінші кезеңге шыққан жағдайда қарсыластары ретінде Мэдисон Киз немесе Эмма Наварро қарастырылып отыр. Ширек финалда Джессика Пегула немесе Белинда Бенчичпен ойнау ықтималдығы бар. Жартылай финалда Ига Швентек немесе Мирра Андреевамен, ал финалда Арина Соболенко, Кори Гауфф не Аманда Анисимовамен кездесуі мүмкін.
Өткен жылғы турнирдің жеңімпазы Мирра Андреева болған, ол финалда Арина Соболенконы жеңген еді. Индиан-Уэллстегі дода Рыбакина үшін рейтингтегі орнын нығайтып, WTA 1000 санатындағы кезекті титулға таласуға мүмкіндік береді.
Айбар Рысдаулет
Ресейде «Зенит» пен «Қайрат» жолдастық матч өткізеді
Юлия Путинцева Индиан-Уэллстегі WTA 1000 турнирін Паула Бадосаға қарсы матчпен бастайды