«Атырау» Владимир Чебуринмен келіссөз жүргізіп жатыр
Фото: PA Images via Getty Images
«Атырау» клубының басшылығы Қазақстан жастар құрамасының U-21 аға жаттықтырушысы Владимир Чебуринмен келіссөздер бастады, деп хабарлайды Pin-UpSport.kz. 60 жастағы маман бас бапкерлік қызметке үміткер ретінде қарастырылып отыр.
Чебурин жастар құрамасына небәрі бір апта бұрын тағайындалған. Егер келіссөздер сәтті аяқталса, ол ұлттық құрамадағы қызметінен кетуі мүмкін. Қазіргі уақытта тараптар алғашқы талқылау кезеңін жүргізуде.
Бұған дейін «Атыраудың» бас бапкері Виталий Жуковский клуб басшылығымен ортақ шешімге келе алмағанын айтып, қызметінен кеткенін хабарлаған болатын. Ол команданы КПЛ-2025 маусымының екінші жартысынан бастап жаттықтырды.
Владимир Чебурин 2021–2025 жылдары литвалық «Жальгирис» клубын басқарды. Оның жетекшілігімен команда үш рет ел чемпионы атанып, екі мәрте Кубок пен Суперкубокты жеңіп алды. 2022 жылы клуб тарихында алғаш рет еурокубоктардың топтық кезеңіне шықты. 2025 жылы Чебурин Литва футболындағы ең жоғары жалақы алатын жаттықтырушы саналған.
Айбар Рысдаулет
Криштиану Роналду Испания клубының 25 пайыз акциясын сатып алды
«Тұран» клубы 1 054 000 теңге бастапқы бағамен аукционға шығарылды