Жәнібек Әлімханұлы дисквалификация аяқталған соң рингке оралуды жоспарлап отыр
Фото: janibek_alimkhanuly/Instagram
Орта салмақтағы WBO/IBF нұсқалары бойынша әлем чемпионы Жәнібек Әлімханұлы дисквалификация мерзімі аяқталғаннан кейін осы жылдың соңына қарай рингке оралуды көздеп отыр, деп хабарлайды Pin-UpSport.kz. Бұл туралы оның «Казахский стиль» командасының ресми парақшасында жарияланды.
Команда өкілдері WBO-ның бір жылдық шеттету туралы шешіміне пікір білдіріп, 2026 жылдың 2 желтоқсанына дейінгі санкция чемпиондық белбеуден айырмайтынын атап өтті. Мәлімдемеде желтоқсан айында рингке қайта оралу жоспарланып отырғаны айтылды.
Өткен жылдың желтоқсан айының басында Әлімханұлының допинг сынамасынан мельдоний анықталғаны белгілі болған еді. Соның салдарынан WBA чемпионы Эрисланди Ларамен жоспарланған біріктіру жекпе-жегі өтпей қалды.
WBO шешіміне сәйкес, дисквалификация мерзімі аяқталған соң қазақстандық боксшы уақытша чемпионмен айқас өткізуге міндетті. Бұл атақ үшін британдық Дензел Бентли мен венесуэлалық Эндри Сааведра жекпе-жекке шығуы тиіс.
Айбар Рысдаулет
Әліби Ыдырыс UFC-дегі алғашқы көз арбасуын өткізді
Әліби Ыдырыс UFC Fight Night 267 турнирінде жеңіске жетті