WBO Жәнібек Әлімханұлын бір жылға шеттетті
Фото: janibek_alimkhanuly/Instagram
Дүниежүзілік бокс ұйымы Жәнібек Әлімханұлын 2025 жылдың қарашасында тапсырған сынамасынан мельдоний анықталуына байланысты бір жылға шеттету туралы шешім қабылдады, деп хабарлайды Pin-UpSport.kz. Шеттету мерзімі 2025 жылғы 2 желтоқсаннан бастап кері күшпен есептеледі.
WBO президенті Густаво Оливьери Чемпионаттар комитеті бұл шешімді бірауыздан қолдағанын мәлімдеді. Аталған күн Эрисланди Лараға қарсы жоспарланған біріктіру жекпе-жегінің тоқтатылған уақытымен сәйкес келеді.
Ұйым мәліметінше, шеттету мерзімі 2026 жылдың желтоқсанында аяқталғаннан кейін Әлімханұлы уақытша чемпионмен жекпе-жек өткізуге міндетті болады. Осы кезеңге дейін оған WBO аясында басқа айқастарға қатысуға рұқсат берілмейді, әйтпесе қосымша тәртіптік шаралар қолданылуы мүмкін.
Шеттету мерзімі барысында дивизиондағы чемпиондық белбеу үшін күрес қазақстандық боксшысыз жалғасады. Оның титулға қатысты құқықтары санкция мерзімі аяқталған соң қайта қаралады.
Айбар Рысдаулет
Конькимен жүгіруші Елизавета Голубева 2026 жылғы Олимпиадада үздік жетілікке енді
Қарағандыда «Шахтер» стадионы жаңғыртылып жатыр