Өзбекстанның этникалық қазағы енді Қазақстан намысын қорғайды
Бұған дейін Өзбекстан құрамасының сапында өнер көрсеткен этникалық қазақ боксшы Саят Ілиясов мансабын Қазақстан туы астында жалғастыру туралы шешім қабылдады, деп хабарлайды Pin-UpSport.kz.
Журналист Аслан Қаженовтың хабарлауынша, спортшы спорттық азаматтығын ресми түрде ауыстырып, алдағы уақытта Қазақстан атынан жарыстарға қатысады. Бұл шешім отандық бокс үшін маңызды жаңалықтардың бірі болып саналады, себебі Ілиясов Азия деңгейінде өзін дәлелдей алған перспективалы спортшы ретінде бағаланады.
Саят Ілиясов бұған дейін халықаралық ареналарда Өзбекстан құрамасының намысын қорғап келді. Ол жастар және 22 жасқа дейінгі боксшылар арасында тұрақты түрде жоғары нәтиже көрсетіп, құрлықтық жарыстарда жүлдегер атанды. Атап айтқанда, 2022 жылы жастар арасындағы Азия чемпионатында қола медаль жеңіп алса, 2025 жылы 22 жасқа дейінгі боксшылар арасында Азия чемпионы атанды. Бұл жетістіктер оның әлеуетін айқындап, мансабын жаңа деңгейде жалғастыруына негіз болды.
Қазақстанға ауысқаннан кейін Саят Ілиясов ішкі жарыстарда Маңғыстау облысының атынан сынға түседі. Сонымен қатар, оның Қазақстандағы жеке жаттықтырушысы ретінде Марат Жәкиевтің есімі аталып отыр. Қазіргі таңда тараптар бірлескен жұмыс форматын және алдағы дайындық жоспарын талқылау үстінде. Спортшының жаңа жүйеге бейімделуі мен жарыс тәжірибесін тиімді пайдалану негізгі басымдықтардың бірі ретінде қарастырылуда.
Сонымен қатар, наурыз айында Саят Ілиясов кәсіби рингтегі алғашқы жекпе-жегін өткізуі мүмкін. Оның дебюттік кездесуі Қазақстандағы промоутерлік компаниялардың бірінің ұйымдастыруымен өтетін бокс кеші аясында жоспарланып отыр. Осылайша, Ілиясовтың Қазақстан атынан өнер көрсетуі тек әуесқой деңгеймен шектелмей, кәсіби мансапқа бастайтын маңызды қадам болмақ.
Айбар Рысдаулет
«Қайрат» Чемпиондар лигасындағы дебютін аяқтап, рекордтық табысқа қол жеткізді
Чемпиондар лигасының жалпы кезеңінен кейін Қазақстан УЕФА коэффициенттер рейтингінде 37-орынға түсті