Шерхан Қалмырза «Қайратпен» келісімшартын 2028 жылға дейін ұзартты
Фото: Getty Images
Қазақстандық жас қақпашы Шерхан Қалмырза алматылық «Қайрат» клубымен келісімшартын ресми түрде ұзартты, деп хабарлайды Pin-UpSport.kz.
18 жастағы голкипермен жасалған жаңа келісім 2028 жылдың 30 қарашасына дейін есептелген және клубтың жас ойыншыға деген сенімін айқын көрсетеді.
Калмұрзамен келісімшартты ұзарту оның маусым барысында көрсеткен тұрақты әрі сенімді ойынының заңды жалғасы болды. Жас қақпашы «Қайраттың» Лига чемпиондарындағы жалпы кезең матчтарында негізгі құрамда алаңға шығуға мүмкіндік алды. Бұл жағдай команданың негізгі қақпашылары Александр Заруцкий мен Темірлан Анарбековтің жарақат алуымен байланысты болды.
Шерхан Қалмырза «Спортинг» және «Реал» секілді Еуропаның алпауыт клубтарына қарсы өткен ойындарда ерекше көзге түсті. Ол бірнеше шешуші сейв жасап, жоғары деңгейдегі қарсыластарға қарсы ойында салқынқандылық пен сенімділік танытты. Осы кездесулерден кейін жас қақпашының аты жанкүйерлер арасында кеңінен танылып, әлеуметтік желілердегі танымалдығы айтарлықтай артты.
«Қайраттың» Қалмырзамен ұзақ мерзімді келісім жасауы клубтың болашаққа бағытталған стратегиясын айқын көрсетеді. Алдағы уақытта қақпашыны тағы бір маңызды сын күтіп тұр. 28-інен 29-ына қараған түні алматылық команда Лондонда «Арсеналға» қарсы Лига чемпиондары аясында матч өткізеді. Бұл кездесу жас қақпашы үшін халықаралық аренада өзін тағы бір мәрте дәлелдеуге мүмкіндік болмақ.
Айбар Рысдаулет
Рыбакина Australian Open-2026 турнирінің ширек финалына шықты
Миралем Пьянич «Ақтөбе» клубында өнер көрсетпейді