«Ақтөбе» Хамес Родригес пен Джердан Шакириді қарастыруда
«Ақтөбе» футбол клубы бразилиялық Халктың трансфері жүзеге аспаған жағдайда, мадридтік «Реал» мен мюнхендік «Баварияның» бұрынғы жұлдыздары Хамес Родригес пен Джердан Шакириді балама нұсқа ретінде қарастырып отыр, деп хабарлайды Pin-UpSport.kz.
«Инсайды от Карпа»Клуб басшылығы ықтимал келіссөздердің әртүрлі сценарийлерін алдын ала пысықтап, құрамды күшейтудің бірнеше жолын дайындап қойған.
Бұл қадам «Ақтөбенің» маусым алдындағы жалпы саясатына сай келеді. Соңғы уақытта клуб тәжірибелі әрі танымал футболшыларға ерекше көңіл бөліп, команданың бәсекеге қабілеттілігін арттыруды көздеп отыр. Хамес Родригес пен Джердан Шакири сынды ойыншылардың келуі клубтың тек спорттық деңгейін ғана емес, халықаралық беделін де көтере түсері анық.
Халкпен келіссөздердің қиынға соғуына оның қаржылық талаптары себеп болғаны айтылады. Бразилиялық шабуылшы жылына шамамен төрт миллион еуро жалақы сұраған, бұл «Ақтөбе» үшін тым жоғары сома болып отыр. Осы жағдайда швейцариялық «Базель» сапында соңғы маусымдарда жоғары нәтиже көрсеткен Джердан Шакири мен соңғы жылдары әртүрлі елдердің клубтарында өнер көрсеткен Хамес Родригес нақты балама ретінде қарастырылуда. Әсіресе, Хамес үшін тұрақты ойнау мүмкіндігі маңызды, себебі ол 2026 жылғы әлем чемпионатына қатысуға ниетті.
Алдағы уақытта «Ақтөбе» трансферлік саясаттағы басты бағытын айқындап, нақты шешім қабылдауы тиіс. Қай ойыншы таңдалса да, бұл клубтың жаңа маусымдағы амбициясын айқын көрсететін маңызды қадам болмақ.
Айбар Рысдаулет
Виктор Мозес «Қайсарға» ауысуына пікір білдірді
Ресми: Нани «Ақтөбе» сапына қосылды