Рыбакина әлемдегі ең жоғары жалақы алатын спортшы әйелдердің топ-10 қатарына кірді
Фото: WTA
Қазақстанның үздік теннисшісі Елена Рыбакина Sportico жариялаған әлемдегі ең жоғары табыс табатын спортшы әйелдердің топ-10 тізіміне енді, деп хабарлайды Pin-UpSport.kz. Жаһандық рейтингте ол тоғызыншы орынға тұрақтады.
Басылым деректеріне сәйкес, Рыбакинаның бір жылдағы жалпы табысы 12,6 миллион долларды құрады. Оның 8,6 миллионы турнирлердегі жүлде қорынан түскен болса, қалған 4 миллионы жарнамалық келісімшарттар есебінен алынған. Мұндай қаржылық рейтингтерде теннис басымдыққа ие екені тағы да байқалды: тізімдегі он спортшының жетеуі — теннисшілер.
Рейтингтің алғашқы үштігіне Кори Гауфф (31 миллион доллар), Арина Соболенко (30 миллион доллар) және Ига Швёнтек (23,1 миллион доллар) енді. Сондай-ақ үздік ондықта Чжэн Циньвэнь, Мэдисон Киз және Наоми Осака бар. Сарапшылар Рыбакинаның маусым соңындағы табысының айрықша үлкен болғанын атап өтеді: ол WTA маусымдық финалындағы жеңісі үшін 5,3 миллион доллардан астам қаржы иеленді.
Маусымды әлемдік рейтингтің бесінші сатысында аяқтаған Рыбакина өзінің спорттық және қаржылық көрсеткіштерін айтарлықтай жақсартты. Мұндай нәтижелер оның әлемдік теннистегі жетекші ойыншылар қатарындағы орнын нығайтып, алдағы маусымда да жоғары жетістіктерге жетуіне мүмкіндік береді.
Айбар Рысдаулет
«Ливерпуль» Мохамед Салахтың болашағына қатысты белгісіздік фонында ірі трансферге дайындық жүргізуде
Уразбахтин «Олимпиакоспен» өтетін матч алдындағы ойымен бөлісті