Микаэль Аскаров Түркияға қайта оралуы мүмкін
Фото: Кайрат
22 жастағы қазақстандық қорғаушы Микаэль Аскаровдың Түркия чемпионатына қайта оралу ықтималдығы жоғары, деп хабарлайды Pin-UpSport.kz.
Футболшыға, алдын ала мәлімет бойынша, Түркияның екінші лигасындағы бірнеше клуб қызығушылық танытып отыр, сондай-ақ Румыния, Молдова, Болгария және Черногория командалары да ойыншыны бақылауда ұстап келеді.
Аскаров кәсіби жолын дәл осы елде бастағаны белгілі. Ол бес жыл бойы «Фенербахче» академиясында дайындалып, кейін бір маусым «Адана» клубының жүйесінде өнер көрсетті. Түркиядағы бұл тәжірибе жас қорғаушының шеберлігін арттырып, еуропалық футбол талабына бейімделуіне мүмкіндік берді.
Өткен маусымда Аскаров Қазақстан Премьер-лигасында екі клубтың намысын қорғады. Алдымен «Атырау» сапында алаңға шығып, кейін «Тұранға» ауысты. Жалпы есеппен ол 18 матчқа қатысып, тұрақты ойын тәжірибесін жинады, бірақ нәтижелі әрекеттер жасамады. Соған қарамастан, қорғаныстағы сенімді ойыны бірнеше шетелдік клубтың назарын аудартты.
Қорғаушының алдағы тағдыры қысқы трансфер кезеңінде анықталмақ. Аскаров үшін басты басымдық — тұрақты ойын тәжірибесі мен бәсекелестігі жоғары ортада дамудың жалғасуы. Сол себепті оның Түркияға қайта оралу нұсқасы ең ықтимал бағыттардың бірі болып отыр.
Айбар Рысдаулет
«Горняк» шабуылшысы Ресей азаматтығынан бас тартып, Қазақстан паспортын алды
Дидар Сыдықбек «Тараз» футбол клубының директоры болып тағайындалды