«Горняк» шабуылшысы Ресей азаматтығынан бас тартып, Қазақстан паспортын алды
«Горняк» клубының шабуылшысы Оскар Юлбарисов ресми түрде Ресей азаматтығынан шығып, Қазақстан паспортын алғанын мәлімдеді, деп хабарлайды Pin-UpSport.kz.
Хоккейші Құрлықтық кубокқа дайындалатын Қазақстан құрамасының кеңейтілген тізіміне еніп, алдағы халықаралық жарыстарға қатысуға үмітті.
Спортшының айтуынша, азаматтық ауыстыру процесі күздің басында басталып, бірнеше айға созылған. Юлбарисов қыркүйек айында Астанадағы Ресей консулдығына барып, қажетті өтініштерді толтырып, ресейлік паспортын тапсырғанын және сол сәттен бастап Қазақстан азаматы ретінде ресми мәртебе алғанын атап өтті. Бұған дейін оның ұлттық құрамадан тыс қалуы спорттық азаматтықтың өзгермеуімен байланысты болған.
Юлбарисов құраманың жаттықтырушылар штабы тарапынан өзіне қызығушылық болғанын растады. Алайда Пекинде өткен Азия чемпионатына шақырту спорттық азаматтық талаптарына байланысты соңғы сәтте кері қайтарылған. Спортшы федерация бұл мәселені реттеп жатқанын, тиісті процедуралар аяқталған соң Қазақстан атынан ресми жарыстарда ойнауға толық мүмкіндік болатынын айтты.
Шабуылшы өз шешімінің отбасылық себептерге де негізделгенін атап өтті: жұбайы – Қазақстан азаматшасы, ал қызының туу туралы куәлігі де қазақстандық. Алдағы уақытта қажетті рәсімдер аяқталғаннан кейін Юлбарисов ұлттық құраманың толыққанды ойыншысы болуға дайын екенін жеткізді.
Айбар Рысдаулет
Қазақстандық боксшылар Дубайдағы әлем чемпионатының төртінші күнінде толық жеңіске жетті
Микаэль Аскаров Түркияға қайта оралуы мүмкін