Кенжебек қайда барады? «Локомотив» пен «Ахмат» қазақстандық жұлдыз үшін тартыс бастады
Фото: Soccrates
Мәскеудің «Локомотиві» мен Грозныйдың «Ахматы» «Елімай» клубының 22 жастағы шебер шабуылшысы және Қазақстан ұлттық құрамасының ойыншысы Ғалымжан Кенжебекті трансферлеу мүмкіндігін талқылап жатыр. Футболшының келісімшартының аяқталуы және командалардың флангты күшейту қажеттілігі ойыншыға деген қызығушылықты арттырды.
«Инсайды от Карпа» Telegram-каналының хабарлауынша, Кенжебек соңғы жылдары Ресей мен Еуропаның бірнеше клубының бақылауында болды. Ол бұған дейін «Краснодар» мен Хабаровскінің СКА командасында қаралымнан өткен, ал биыл «Акрон» тарапынан қарастырылған. Сарапшылардың пікірінше, оның әлеуеті 17 жасында «Челси» командасына ауысқан Дастан Сәтпаевпен тең дәрежеде. Сонымен қатар, Кенжебектің клубтық деңгейдегі 11 ойында 6 гол және 4 пас, сондай-ақ іріктеу кезеңіндегі 8 матчта 2 гол және 1 нәтижелі пасы «Олимпиакос» пен «Данди Юнайтед» клубтарының назарын аудартты.
«Локомотив» футболшыны қыста ықтимал тактикалық өзгерістер аясында сол қапталды күшейтетін ойыншы ретінде қарастыруда. Командада бұл аймақта тұрақтылық жетіспейді: Пиняев жиі жарақат алады, ал Салтыков ойын практикасы үшін жалға жіберілуі мүмкін. Қазіргі таңда Руденко мен Бакаев екі қапталда да ойнай алады, дегенмен клуб құрамның тереңдігін арттыруды мақсат етеді.
«Ахмат» өз кезегінде Кенжебекті Лечи Садулаевқа балама ойыншы ретінде көреді. Станислав Черчесовтің жүйесінде Садулаев негізгі құрамда тұрақты өнер көрсетіп келеді, ал оң қапталда ойнайтын Самородов, Мансилья және Гаджиев, орталықта әрекет ететін Жемалетдинов пен Касинтура шабуылдағы ротацияны шектейді. Бұған қоса, Кенжебектің Қазақстан құрамасындағы ойынынан кейін бапкерлік штаб оған жақсы таныс. Алдағы уақытта ойыншының қай клубты таңдайтыны ресми түрде анықталуы тиіс.
Айбар Рысдаулет
Қазақстан күрес федерациясының жаңа президенті сайланды
Конор Макгрегор UFC-дегі үшінші чемпиондық атаққа қол жеткізуді мақсат етіп отырғанын мәлімдеді