«Челсидің» бұрынғы ойыншысы Оскар жүрек сырқатына байланысты ауруханаға түсті
Фото: The Guardian
Бразилиялық футболшы, Лондонның «Челси» клубының бұрынғы жартылай қорғаушысы Оскар жаттығу кезінде есінен танып, ауруханаға жеткізілді. Дәрігерлер оның жүрегінен сырқат анықтаған, деп хабарлайды Pin-UpSport.kz. Оқиға футболшы өнер көрсетіп жүрген «Сан-Паулу» командасының жаттығу базасында болған.
Global Esporte басылымының хабарлауынша, 33 жастағы ойыншы велотренажерде жаттығу жасап жатқан сәтте өзін жайсыз сезініп, есінен танып қалған. Клубтың медициналық қызметі алғашқы көмек көрсетіп, дереу ауруханаға жеткізген. Айта кетейік, биыл тамыз айында да дәрігерлер Оскардың жүрегінен ауытқулар анықтаған, алайда сол кезде оған ойнауға рұқсат берілген болатын.
Қытайдың «Шанхай Порт» клубында бірнеше маусым өнер көрсеткеннен кейін Оскар 2024 жылдың қысында туған клубы «Сан-Паулуға» оралды. Осы уақытқа дейін ол 21 матчқа қатысып, тамызда жарақат алып, алаңға қайта шықпаған еді. Қазір футболшы дәрігерлердің бақылауында, ал мамандар оның мансабын аяқтау мүмкіндігін жоққа шығармайды.
Оскар — Англияның екі дүркін чемпионы және Еуропа лигасының жеңімпазы. Ол Бразилия құрамасы сапында 48 ойын өткізіп, 12 гол соққан.
Айбар Рысдаулет
Бокстан Әлем кубогының финалдық кезеңіне қатысатын Қазақстан құрамасының тізімі жарияланды
«Сарыарқа» командасының бұрынғы қақпашысы Альберт Коваль мансабын Түркияда жалғастырады