Елена Рыбакина WTA қорытынды турнирінің финалында Арина Соболенкоға қарсы ойнайды
Фото: Getty Images
Қазақстандық теннисші Елена Рыбакина (WTA рейтингінде №6) Эр-Риядта (Сауд Арабиясы) өтіп жатқан WTA қорытынды турнирінің финалына шығып, әлемнің бірінші ракеткасы Арина Соболенкоға қарсы сынға түседі, деп хабарлайды Pin-UpSport.kz.
Рыбакина топтық кезеңде америкалық Аманда Анисимованы (№4) — 6:3, 6:1, польшалық Ига Швёнтекті (№2) — 3:6, 6:1, 6:0 және ресейлік Екатерина Александрованы (№10) — 6:4, 6:4 есебімен жеңді. Жартылай финалда ол тағы бір америкалық — Джессика Пегуланы (№5) 4:6, 6:4, 6:3 есебімен ұтты.
Ал Соболенко топта Жасмин Паолиниді (№8) — 6:3, 6:1, Джессика Пегуланы — 6:4, 2:6, 6:3 және Кори Гауффты (№3) — 7:6, 6:2 есебімен жеңсе, жартылай финалда Аманда Анисимованы (№4) 6:3, 3:6, 6:3 есебімен тізе бүктірді.
WTA қорытынды турнирінің финалы 8 қараша күні өтеді. Турнир жеңімпазы маусымның басты атағын және 5 миллион доллардан астам сыйақыны иеленеді.
