«Барселона» Эрлинг Холандты қатарға қосуды көздеп отыр
Фото: Asharq Al-Awsat
Каталонияның «Барселона» клубы алдағы жазғы трансфер терезесінде ірі келісім жасауға ниетті. Испаниялық El Nacional басылымының хабарлауынша, клуб «Манчестер Сити» шабуылшысы Эрлинг Холандты қатарға қосуды көздеп отыр, деп жазады Pin-UpSport.kz.
Мәліметке сәйкес, «Барселона» мәміле аясында жартылай қорғаушы Даниэль Ольмоны және қосымша қаржылай өтемақыны ұсынбақ. Ал «Ситидің» бас бапкері Хосеп Гвардиола бұған дейін де испандық ойыншыға қызығушылық танытқан, бұл келіссөздердің жүруін жеңілдетуі мүмкін.
27 жастағы Ольмо — «Барселона» академиясының түлегі, 2024 жылдан бері негізгі құрамда ойнап келеді. Оның есебінде барлық турнирлерде 50 ойын, 13 гол және 9 нәтижелі пас бар. Қазіргі келісімшарты 2030 жылға дейін жарамды, ал нарықтық бағасы Transfermarkt дерегінше €60 миллионға тең.
Холандтың «Манчестер Ситимен» келісімі 2034 жылға дейін күшінде. Норвегиялық шабуылшының трансферлік құны шамамен €180 миллион деп бағаланады. Егер келісім жүзеге асса, бұл «Барселонаның» тарихындағы ең қымбат трансферлердің бірі болмақ.
Айбар Рысдаулет
Елена Рыбакина Ига Швёнтекті жеңіп, WTA финалдық турнирінде топ бастап тұр
Абат Айымбетов «Ақтөбеге» оралуы мүмкін