Абат Айымбетов «Ақтөбеге» оралуы мүмкін
Абат Аймбетов. Фото: Getty Images
Қазақстан құрамасының және «Ақтөбе» клубының бұрынғы шабуылшысы Абат Айымбетов жаңа командамен келіссөз жүргізіп жатыр, деп хабарлайды Pin-UpSport.kz AmanVIBE Telegram арнасына сілтеме жасап.
Дереккөздің мәліметінше, 30 жастағы футболшы қазір Түркияда жеке жаттығуда жүр. Дәл сол елге «Ақтөбе» клубы желтоқсан айының ортасында алғашқы оқу-жаттығу жиынына баруды жоспарлап отыр. Тараптар келісімшарт мәселесін талқылап жатқан көрінеді.
Айымбетовтың соңғы клубы Түркияның «Адана Демирспоры» болды. Ол бұл команда сапында 37 ойын өткізіп, 6 гол соқты. Маусым соңында түрік клубы Суперлигадан түсіп қалды, ал Абат 1 шілдеде келісімін бұзып, еркін агент мәртебесін алды.
Футболшы бұған дейін «Ақтөбе», «Қайрат», «Астана» және Ресейдің «Крылья Советов» клубтарында өнер көрсеткен. Сондай-ақ ол Қазақстан ұлттық құрамасының негізгі шабуылшыларының бірі саналады.
Айбар Рысдаулет
«Барселона» Эрлинг Холандты қатарға қосуды көздеп отыр
Қарашаның соңына дейін «Қызыл-Жар СК», «Жеңіс» және «Шахтер» футбол клубтары жекешелендіріледі