Килиан Мбаппе «Реал» сапында Роналдудың рекордын жаңартты
Килиан Мбаппе. Фото: SPOX
Мадридтің «Реалының» шабуылшысы Килиан Мбаппе Испания чемпионатындағы керемет нәтижелілігін жалғастырып келеді, деп хабарлайды Pin-UpSport.kz. Ла Лиганың 11-турында француз ойыншысы «Валенсия» қақпасына екі гол соғып (19 және 31-минуттарда), командасына 4:0 есебімен ірі жеңіс сыйлады.
Бұл дубль Мбаппеге Ла Лигадағы 45 матчта 44 гол соғуға мүмкіндік берді. Осылайша, ол бұрынғы «Реал» жұлдызы Криштиану Роналдудың жетістігін жаңартты — португалиялық шабуылшы алғашқы 45 ойында 43 гол соққан еді. Бұл көрсеткішке дейін Испанияда тек аңыз ойыншы Ференц Пушкаш жеткен болатын, ол алғашқы 44 матчында 44 гол салған.
Мбаппе 2024 жылдың жазында ПСЖ клубынан «Реалға» ауысып, 2029 жылға дейін келісімшартқа қол қойған. Қазіргі маусымда француз футболшысы барлық турнирлерде 14 матч өткізіп, 18 гол соқты және екі нәтижелі пас берді.
«Реал» 30 ұпаймен Ла Лига турнир кестесінде көш бастап тұр. Келесі кездесу 9 қараша күні сырт алаңда «Райо Вальеканомға» қарсы өтеді.
