Килиан Мбаппе ӘЧ-2026 мергендер жарысында Лионель Мессиге жетті
Франция құрамасының шабуылшысы Килиан Мбаппе ӘЧ-2026 турнирінің үздік сұрмергендері тізімінде Лионель Мессимен теңесті, деп хабарлайды Pin-UpSport.kz. Француз шабуылшысы 1/16 финалда Швеция құрамасына қарсы матчта дубль авторы атанып, турнирдегі голдарының санын алтыға жеткізді.
Кездесу Франция құрамасының 3:0 есебіндегі сенімді жеңісімен аяқталды. Мбаппе қарсылас қақпасына екі гол соғып, матчтың басты кейіпкерлерінің біріне айналды. Ол бұл көрсеткішке төрт матчта қол жеткізді. Ал Лионель Месси алты голды үш кездесуде соққан және әлі 1/16 финалдағы ойынын өткізген жоқ.
Швеция қақпасына соққан екінші гол Килиан Мбаппе үшін әлем чемпионаттарындағы 18-гол болды. Бұл көрсеткіш бойынша ол турнир тарихындағы рекорд иесі Лионель Мессиге бір ғана гол қалып келеді. Аргентиналық шабуылшының еншісінде әлем чемпионаттарында соғылған 19 гол бар.
Аргентина құрамасы 1/16 финалдағы кездесуін 4 шілдеге қараған түні Кабо-Верде құрамасына қарсы өткізеді. Килиан Мбаппе Франция құрамасымен 2018 жылы әлем чемпионы атанып, 2022 жылғы әлем чемпионатында күміс жүлдеге ие болған.
Айбар Рысдаулет
Елена Рыбакина Уимблдон турнирінің екінші айналымына шықты
Асу Алмабаев Бекзат Алмаханды қолдап сөз сөйледі