Мбаппе әлем чемпионаттарының тарихи рекордын жаңартты
Франция құрамасының шабуылшысы Килиан Мбаппе ӘЧ-2026 турнирінің Мароккоға қарсы ширек финал матчында әлем чемпионаттарының жаңа рекордын орнатты, деп хабарлайды Pin-UpSport.kz. Ол әлем чемпионаттарында 20 матч өткізген тарихтағы ең жас футболшы атанды.
Бұл жетістікке жеткен сәтте Мбаппе 27 жас 201 күнде болды. Stats Foot мәліметінше, мадридтік «Реалдың» шабуылшысы Франция құрамасы сапындағы әлем чемпионаттарында өткізген матчтар саны бойынша бұрынғы капитан Уго Льористің көрсеткішіне теңесті. Екі футболшының да еншісінде әлем чемпионаттарында Франция құрамасы сапындағы 20 матч бар.
Сонымен қатар Мбаппе Франция құрамасы тарихында әлем чемпионаттарының плей-офф кезеңінде ең көп матч өткізген ойыншы атанды. Мароккомен өткен кездесу оның бұл кезеңдегі 11-матчы болды. Ал Марокко құрамасының жартылай қорғаушысы Айюб Буадди әлем чемпионатының ширек финалында ойнаған тарихтағы екінші ең жас футболшы ретінде тіркелді. Матч күні оның жасы 18 жыл 280 күн болды.
Кездесу барысында Килиан Мбаппе есеп ашуға мүмкіндік алғанымен, 28-минутта пенальтиден гол соға алмады. Марокко құрамасының қақпашысы Яссин Буну француз шабуылшысының он бір метрлік айып добын қайтарды.
Айбар Рысдаулет
Конор Макгрегор ММА тарихындағы үздік 10 файтердің тізімін жариялады
Дастан Сатпаев «Челсидегі» алғашқы жаттығуын Хаби Алонсоның жетекшілігімен өткізді