«Қайрат» «Приштинаны» ойсырата жеңіп, футзалдан Чемпиондар лигасының плей-офф кезеңіне шықты
Фото: Новое Поколение
Алматының «Қайрат» футзал командасы УЕФА Чемпиондар лигасының негізгі кезеңіндегі соңғы ойында Косовоның «Приштина» клубын ірі есеппен жеңді, деп хабарлайды Pin-UpSport.kz. Осы нәтижеден кейін Даниэль Жуниор жаттықтыратын алматылықтар топтық кезеңді екінші орынмен аяқтап, плей-офф кезеңіне жолдама алды.
Бірінші таймда Биржан Оразов пен Кевин Аррьета қарсылас қақпасына гол соғып, «Қайратқа» басымдық әкелді. Екінші тайм басында Ромуло өз қақпасына гол енгізіп алды, бірақ көп ұзамай Оразов дубль жасап, басымдықты қайта арттырды. Кездесудің нүктесін Атирсон қойып, матч 4:1 есебімен аяқталды.
Бұған дейін алматылықтар хорватиялық «Ново Вриемені» 3:2 есебімен жеңіп, португалиялық «Спортингтен» 2:7 есебімен ұтылған еді. Үш тур қорытындысы бойынша «Қайраттың» еншісінде алты ұпай бар және команда 4-топта екінші орын иеленіп, 1/8 финалға екінші себеттен қатысатын болды.
Футзалдан Чемпиондар лигасының плей-офф кезеңі 2026 жылдың көктемінде өтеді. «Қайраттың» қарсыласы желтоқсанда өтетін жеребеде анықталады.
Айбар Рысдаулет
Александр Бублик Париждегі «Мастерс» турнирін жартылай финалда аяқтады
«Қайрат» пен «Семей» футзалдан УЕФА Чемпиондар лигасының плей-офф кезеңіне шықты