«Реал» «Барселонаны» жеңіп, Ла Лигадағы көшбасшылығын нығайтты
Фото: LiveResult
Мадридтегі «Сантьяго Бернабеу» стадионында Испания чемпионатының 10-туры аясында өткен «Эль Классикода» «Реал» мен «Барселона» кездесті. Тартысты өткен матчта мадридтік клуб 2:1 есебімен жеңіске жетті, деп хабарлайды Pin-UpSport.kz.
Ойынның басы-ақ жылдам басталды. 12-минутта Килиан Мбаппе қақпаға дәл соққы бағыттағанымен, VAR жүйесі офсайд тіркеп, голды есептемеді. Араға он минут салып, француз шабуылшысы Джуд Беллингемнің пасынан кейін есепті ашты. «Барселона» жауапсыз қалмады — 38-минутта Фермин Лопес Маркус Рэшфордтың пасынан кейін бірден есепті теңестірді. Алайда көп ұзамай Беллингем тағы бір гол соғып, бірінші таймның есебін 2:1-ге жеткізді.
Екінші таймда «Реалдың» пенальти соғуға мүмкіндігі болды, бірақ Мбаппенің соққысын қақпашы қайтарды. Қалған уақытта мадридтіктер қорғанысқа көбірек көңіл бөліп, допты қарсыласқа беріп қойды. Допқа иелік ету көрсеткіші — 74% «Барселонада», бірақ есеп өзгермеді.
Бұл жеңіс «Реалға» турнир кестесінде көш басын сақтап қалуға мүмкіндік берді. Құрамдағы жарақаттарға қарамастан (Рюдигер мен Алаба — «Реалда», Левандовски, Гави және Тер Штеген — «Барселонада»), екі алып команданың ойыны нағыз классикалық тартысқа айналды.
Айбар Рысдаулет
Әділет Садыбеков: «Маусым оңай болған жоқ, бірақ жанкүйерлердің сенімін ақтадық»
«Қайраттың» 17 жастағы шабуылшысы Еуропаға ауысады