Александр Усик келесі қарсыласын анықтап, 41 жасқа дейін рингте қалмақ
Александр Усик. Фото: ATP
Ауыр салмақтағы абсолютті әлем чемпионы Александр Усик (24-0, 15 КО) 41 жасқа дейін рингте өнер көрсетуді жоспарлап отыр, деп хабарлайды Pin-UpSport.kz. Қаңтарда 39 жасқа толатын украиналық боксшы бұған дейін мансабын аяқтауға жақын екенін айтқан еді, алайда бұл жолы ойын өзгерткен сыңайлы.
Бұл ақпаратты оның жақын досы әрі Usyk17 компаниясының директоры Сергей Лапин растады. The Ring басылымының шолушысы Майк Коппинджерге берген сұхбатында ол Усиктің келесі қарсыласы алдағы сенбіде өтетін Джозеф Паркер (36-3, 24 КО) пен Фабио Уордли (19-0-1, 18 КО) арасындағы жекпе-жектің жеңімпазы болатынын айтты.
Лапиннің сөзінше, Усик алдағы жылдарға нақты жоспар құрған және тағы бес жекпе-жек өткізуді көздейді. Алғашқысы 2026 жылдың алғашқы жартысында өтпек. Ол сондай-ақ Александрдың жарақаттан толық айығып, бабына келгенін және дайындықты жоғары деңгейде жалғастырып жатқанын жеткізді.
Осылайша, ауыр салмақтың абсолютті чемпионы жақын уақытта мансабын аяқтамай, жанкүйерлеріне тағы бірнеше қызықты жекпе-жек сыйламақ.
Айбар Рысдаулет
Нұрлан Сапарбай 90 келіден жоғары салмақта Қазақстан чемпионы атанды
Қайрат Боранбаев Нұралы Әліптің неге «Зенитке» ауысқанын түсіндірді