Жібек Құламбаева Баотоудағы турнирді жеңіспен бастады
Жибек Куламбаева. Фото: Getty Images for ITF
Қазақстандық теннисші Жібек Құламбаева Баотоу қаласында өтіп жатқан ITF W50 турнирін сәтті бастап, жекелей сында бірінші айналымда жеңіске жетті, деп хабарлайды Pin-UpSport.kz. Ол жапониялық Сара Саитоны ұтты.
Алғашқы кездесуде әлемдік рейтингте 395-орында тұрған Жібек Құламбаева 326-орындағы қарсыласымен ойнады. Матч 2 сағат 6 минутқа созылып, қазақстандық теннисшінің пайдасына шешілді.
Жібек Құламбаева бірінші сетте қарсыласына мүмкіндік бермей, 6:0 есебімен жеңіске жетті. Екінші партияда қарсыласы үш брейк жасап, есепті теңестірді. Шешуші сетте қазақстандық спортшы қайта басымдық танытып, ойынды 6:0, 4:6, 6:3 есебімен аяқтады.
Кездесу барысында ол тоғыз брейк жасады.
Бұған дейін Жібек Құламбаева жұптық сында да сәтті өнер көрсетіп, Екатерина Рейнгольдпен бірге турнирдің екінші айналымына өткен еді.
Айбар Рысдаулет
Қазақстандық үш каратеші әлемдік рейтингте көш бастады
Асу Алмабаев UFC-дегі жекпе-жекке дайындық аясында Ресей құрамасымен жаттығу өткізді