Зарина Толыбай бокстан Азия чемпионы атанды
Қазақстандық боксшы Зарина Толыбай Индонезияның Джакарта қаласында өтіп жатқан 19 жасқа дейінгі спортшылар арасындағы Азия чемпионатының жеңімпазы атанды, деп хабарлайды Pin-UpSport.kz.
80 келіден жоғары салмақ дәрежесіндегі финалда қазақстандық спортшы үндістандық Пречи Токаспен кездесті. Үш раундтың қорытындысы бойынша Зарина Толыбай төрешілердің 3:2 есебімен шығарған шешімі арқылы жеңіске жетіп, Азия чемпионатының алтын медалін иеленді.
Бұл – Зарина Толыбайдың халықаралық деңгейдегі алғашқы ірі жетістігі емес. Ол бұған дейін Польшада өткен Silesian Women’s Tournament турнирінің жеңімпазы атанып, Шри-Ланкада жастар арасындағы Азия чемпионатында да алтын медаль жеңіп алған.
19 және 23 жасқа дейінгі спортшылар арасындағы бокстан Азия чемпионаты Джакартада өтіп жатыр. U19 жас санатындағы финалдық жекпе-жектер 15 және 16 шілдеде өтеді.
