Усик пен Дюбуа абсолют чемпиондық атақ үшін қайта кездеседі
Усик и Дюбуа. Фото: Getty Images
19 шілде күні Лондонда, әйгілі «Уэмбли» стадионында Александр Усик (23-0, 14 КО) пен Дэниел Дюбуа (22-2, 21 КО) арасындағы реванш өтеді. Бұл жекпе-жекте ауыр салмақтағы абсолют чемпион атағы сарапқа салынады.
Екі боксшы алғаш рет 2023 жылдың тамызында Польшада кездескен. Ол кезде Усик тоғызыншы раундта нокаутпен жеңіске жетіп, WBA, WBO және IBF белбеулерін қорғаған болатын. 2024 жылы Усик Тайсон Фьюриді екі рет жеңіп, абсолют чемпион атанғанымен, кейін IBF титулынан айырылды.
Ал Дюбуа уақытша чемпион атағын жеңіп алып, кейін толыққанды IBF чемпионы атанды. Қыркүйек айында ол Энтони Джошуаны нокаутқа жіберіп, титулын сәтті қорғаған. Енді ол Усикпен қайта жұдырықтасуға дайындалып жатыр.
Автор туралы
Айбар Рысдалует
Спортивный журналист и обозреватель. Специализируется на казахстанском футболе и олимпийских видах спорта. Побывал на Олимпийских играх в Токио и играх БРИКС.
Барлық авторлық жазбаларды көру
