Тайсон мен Емельяненко Қазақстанда жекпе-жекке шығуы мүмкін
Фото: CNN
АҚШ-тың аты аңызға айналған боксшысы Майк Тайсон мен ресейлік ММА жұлдызы Фёдор Емельяненко биыл рингте жолығуы мүмкін. Бұл туралы Alash Pride лигасының президенті Алимжан Бектаев мәлімдеді.
«Біз Майк Тайсон мен Фёдор Емельяненко арасында жекпе-жек ұйымдастырғымыз келеді. Қазір осы бағытта жұмыс жүргізіліп жатыр. Бұл кездесу желтоқсан айына жоспарланған турнир аясында өтуі мүмкін», – деді Бектаев BloodyElbow порталына берген сұхбатында.
Айта кетейік, Alash Pride бұған дейін де әлемдік деңгейдегі спортшыларды Қазақстанға шақырып, жекпе-жек кештерін өткізген. Жақында ғана Астанада өткен 108-турнирде UFC-дің бұрынғы және қазіргі файтерлері өнер көрсетті. Сол кеште америкалық Генри Сехудо отандасымыз Қайрат Ахметовты жеңген болатын.
Майк Тайсон да бұған дейін спортқа қайта оралған. 2024 жылдың қарашасында ол блогер әрі боксшы Джейк Полмен шоу-жекпе-жек өткізіп, төрешілер шешімімен қарсыласына жол берген еді.
Айбар Рысдаулет
«Беларусь – Қазақстан» ойыны Борисовқа ауыстырылды
Парижді бағындырған түн: ПСЖ Чемпиондар лигасын жеңіп алды