Семейде бокстан Қазақстан чемпионаты өтеді
14-21 қазан аралығында Семей қаласындағы Abai Arena спорт кешенінде ерлер мен әйелдер арасындағы Қазақстан Республикасының бокстан чемпионаты өтеді, деп хабарлайды Pin-UpSport.kz.
Жарысқа еліміздің 20 өңірінен 371 спортшы қатысады — оның ішінде 246 ер және 125 әйел боксшы бар. 14 қазанда жеребе тарту рәсімі өтсе, 15 қазанда чемпионаттың ресми ашылуы жоспарланған. Финалдық жекпе-жектер 21 қазанда өтеді. Турнир қорытындысы бойынша 2026 жылғы ұлттық құраманың құрамы анықталады.
Ерлер салмақ дәрежелері: 50, 55, 60, 65, 70, 75, 80, 85, 90 және 90 кг-нан жоғары.
Әйелдер: 48, 51, 54, 57, 60, 65, 70, 75, 80 және 80 кг-нан жоғары.
Чемпионаттың барлық жекпе-жектері QAZSPORT арнасынан тікелей эфирде көрсетіледі.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
