Рафиков пен Пираев ММА ережесімен қайта жекпе-жекке шығады
Фаниль Рафиков и Мариф Пираев. Фото: NAIZA FC
Қазақстандық файтер Фаниль Рафиков пен ресейлік Мариф Пираев ММА ережесі бойынша реванш өткізуге келісім берді, деп хабарлайды Pin-Upsport.kz.
Екеуі 13 маусымда Алматыда кәсіпқой бокс жекпе-жегін өткізіп, онда Рафиков төрешілер шешімімен жеңіске жеткен болатын. Кездесуден кейін Фаниль бокстан уақытша үзіліс алып, күресін шыңдағысы келетінін және күзде Марифпен қайта кездесуге дайын екенін айтты.
«77 келіде жұдырықтасамыз, уәде бергенмін. Бокс – жай ғана бонус. Бірақ мен Naiza мен Fight Nights промоушендерінің бірыңғай чемпионымын», – деді Рафиков.
Ол қарсыласына құрмет білдіріп, жекпе-жекті қазан немесе қараша айына жоспарлап отырғанын жеткізді.
Пираев жеңілісті ауыр қабылдамады, өйткені бокс оның негізгі бағыты емес.
«ММА бойынша Рафиковтың маған қарсы еш мүмкіндігі жоқ», – деп қысқа қайырды ол.
Сонымен қатар, болашақта екеуі кикбоксинг пен еркін күресте де кездесуі мүмкін екенін айтты.
