Қазақстанның тоғыз боксшысы жастар арасындағы Азия чемпионатының финалына шықты
Қазақстан құрамасының тоғыз өкілі Индонезияның Джакарта қаласында өтіп жатқан 19 жасқа дейінгі спортшылар арасындағы бокстан Азия чемпионатының финалына жолдама алды, деп хабарлайды Pin-UpSport.kz.
Жартылай финалдық жекпе-жектердің қорытындысы бойынша Қазақстан құрамасы тоғыз алтын медаль үшін күресті жалғастырады. Азия чемпионы атағы үшін Әділ Асқанбай (50 келіге дейін), Ақжүрек Қалабай (65 келіге дейін), Камила Оспанова (70 келіге дейін), Бибарыс Әшірбай (70 келіге дейін), Айдана Убайдуллақызы (80 келіге дейін), Тимур Тайбеков (80 келіге дейін), Руслан Ахметов (85 келіге дейін), Зарина Толыбай (80 келіден жоғары) және Владислав Саможонов (90 келіден жоғары) бақ сынайды.
Ал Мадира Жұмақан (48 келіге дейін), Едіге Нұрғожа (55 келіге дейін), Ақнұр Тұрсынғали (57 келіге дейін), Айсұлу Мұхит (65 келіге дейін) және Жалғас Өтебеков (90 келіге дейін) турнирдің қола жүлдегерлері атанды.
19 және 23 жасқа дейінгі спортшылар арасындағы Азия чемпионаты Джакартада 3–16 шілде аралығында өтуде. Турнирге 26 елден 400-ден астам боксшы қатысуда, ал Қазақстан құрамасының сапында 39 спортшы бар. U19 санатындағы финалдық жекпе-жектер 15 және 16 шілдеде өтеді.
