Михаил Шайдоров Олимпиададағы Қазақстан медаль қорын толықтырды
2026 жылғы Миланда өткен қысқы Олимпиада ойындарында Михаил Шайдоров алтын медаль жеңіп алып, Қазақстан құрамасының қысқы Олимпиадалардағы жалпы жүлде санын тоғызға жеткізді, деп хабарлайды Pin-UpSport.kz.
Қазақстандық мәнерлеп сырғанаушы ерлер арасындағы жеке сайыста үздік нәтиже көрсетіп, чемпион атанды.
Қазақстан құрамасының қысқы Олимпиада ойындарындағы ең нәтижелі көрсеткіші 1994 жылы Лиллехаммерде тіркелген. Сол кезде шаңғышы Владимир Смирнов бір алтын және екі күміс медаль иеленіп, бір Олимпиада аясындағы ең жоғары нәтижеге қол жеткізген еді. Бұл көрсеткіш ұзақ уақыт бойы ұлттық құраманың рекорды болып келді.
Кейінгі Олимпиада ойындарында да қазақстандық спортшылар жүлде иеленді. 1998 жылы Наганода екі қола медаль тіркелді. 2010 жылы Ванкуверде бір күміс медаль жеңіп алынса, 2014 жылы Сочиде Денис Тен қола жүлдеге қол жеткізді. 2018 жылы Пхенчханда Юлия Галышева үшінші орын алды. Ал 2002, 2006 және 2022 жылдардағы Олимпиада ойындары Қазақстан құрамасы үшін жүлдесіз аяқталды.
Милан-2026 ойындарында Михаил Шайдоров ерлер арасындағы жеке бағдарламаларда тұрақты өнер көрсетті. Қысқа бағдарлама қорытындысы бойынша ол көшбасшылар қатарында болды. Еркін бағдарламада бес төрт айналымды секіру орындап, 198,64 ұпай жинады. Екі бағдарлама нәтижесі бойынша қазақстандық спортшы 291,58 ұпай жинап, алтын медаль жеңіп алды.
Айбар Рысдаулет
Мәнерлеп сырғанаушы Михаил Шайдоров 2026 жылғы Олимпиада ойындарында алтын медаль жеңіп алды
Қазақстан құрамасы Олимпиада-2026 медаль кестесінде 15-орынға көтерілді