Қазақстандық боксшы бұрынғы IBF және WBC чемпионымен жұдырықтасады
Фото: Nomad Promotions
Жеңіліп көрмеген қазақстандық кәсіпқой боксшы Әлішер Әбдулалим (5–0, 3 КО) келесі қарсыласын анықтады, деп хабарлайды Pin-UpSport.kz Sports.kz сайтына сілтеме жасап.
Әбдулалимнің келесі жекпе-жегі 17 қазанда Алматыдағы Балуан Шолақ атындағы спорт сарайында өтеді. Ол кештің басты айқасында таиландтық Пхумиритдет Чонлатхондамронгкунмен (19–4, 17 КО) кездеседі. Қарсыласы бұған дейін IBF және WBC ұйымдарының аймақтық чемпиондық белбеулерін иеленген. Кездесу он раундқа жоспарланған және бірінші жартылай орта салмақ дәрежесінде өтеді.
Әлішер соңғы рет 24 тамыз күні Таразда шаршы алаңға шығып, өзбекстандық Асрорбек Рахимовты (6–4, 4 КО) бірінші раундта нокаутпен жеңген еді.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
