Қазақстан велошабандоздары Бахрейндегі жасөспірімдер Азия ойындарында алтын жеңіп алды
Манама қаласында (Бахрейн) өтіп жатқан жасөспірімдер Азия ойындарында Қазақстанның тасжолдағы велоспорт құрамасы алтын медаль иегері атанды, деп хабарлайды Pin-UpSport.kz.
Отандастарымыз жеке бастау жүйесімен өткен аралас командалық эстафетада топ жарды.
Бірінші кезеңнен кейін қазақстандықтар үшінші орында тұрған еді, алайда шешуші екінші айналымда жоғары нәтиже көрсетіп, мәреге бірінші болып жетті. Ел намысын Кирилл Полышев, Данил Третьяков, Ринат Ерик, Ирина Ивановская, Валерия Кузнецова және Анель Ташбай қорғады.
Бастапқыда күміс медаль Иранға, ал қола Тайбэйге берілген болатын. Алайда нәтижелер қайта қаралған соң, Иран құрамасы мәреге жетпеді деп танылып, Тайбэй екінші орынға, ал Қытай үшінші орынға көтерілді.
Бұл алтын — Қазақстан құрамасының биылғы Азия ойындарындағы алғашқы жеңісі. Ол ел қоржынына ерекше мәнге ие тарихи медаль болып енді.
