Макс Кантер «Тур Гуанси» жарысының алғашқы кезеңінде екінші орын алды
Фото: sprintcycling
14 қазанда Қытайда маусымның соңғы Мировой тур кезеңі — «Тур Гуанси» көпкүндік жарысы басталды. Алғашқы кезең жаппай спринтпен аяқталды, деп хабарлайды Pin-UpSport.kz.
XDS Astana Team командасының өкілі Макс Кантер тамаша нәтиже көрсетіп, мәреде екінші болып келді. Ол тек Поль Маньеге есе жіберді.
«Бүгін спринт болатынын білген едік, сондықтан күн бойы сабыр сақтап, күшімізді соңына дейін үнемдеуге тырыстық. Команда керемет жұмыс атқарды — мені пелотон ішінде жақсы позицияда ұстады, су жеткізіп отырды. Соңғы екі шақырымда алдыңғы қатарға шығып, финалда жақсы спринт жасадым. Бұл біз үшін тамаша бастама», — деді Кантер.
Айта кетсек, «Тур Гуанси» жарысы 19 қазанға дейін жалғасады және маусымның соңғы Мировой тур кезеңі болмақ.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
