Қазақстан құрамасы каратэден Азия чемпионатында үздік үштікке енді
Қазақстан құрамасы Индонезияның Бали аралында өткен каратэден Азия чемпионатында табысты өнер көрсетіп, жалпыкомандалық есепте үшінші орын алды, деп хабарлайды Pin-UpSport.kz.
Құрлық біріншілігінде қазақстандық спортшылар жеті медаль жеңіп алды. Жоламан Биғабыл мен Олжас Алтынбек Азия чемпионы атанса, Әсел Қанай мен Нұрқанат Әжіқанов күміс жүлдеге ие болды.
Қола медальдарды Бэлла Самашева, Дайяна Даренская және Никита Тарнакин жеңіп алды. Биылғы чемпионатқа Азияның 33 елінен 400-ден астам спортшы қатысып, маусымдағы ең ірі жарыстардың біріне айналды.
Жалпыкомандалық есепте Жапония құрамасы бірінші орын алды. Екінші сатыға Иран жайғасса, Қазақстан үздік үштікті түйіндеді. Сонымен қатар қазақстандық команда Иордания мен Сауд Арабиясы құрамаларын артта қалдырды. Мамандар бұл жарысты Жапонияда өтетін жазғы Азия ойындары алдындағы маңызды дайындық кезеңдерінің бірі ретінде бағалап отыр.
