«Қайрат» жанкүйерлері клубқа бойкот жариялап, талаптарын алға тартты
Болельщики «Кайрата». Иллюстративное фото: Getty Images
Алматыдағы «Қайрат» клубының №51 сектордағы белсенді жанкүйерлері алтыншы турдағы «Тобылға» қарсы матчқа келмей, өз наразылықтарын білдірді. Олар басшылықтың, әсіресе бас директордың жанкүйерлік бастамаларды елемеуін және полиция тарапынан қысым мен агрессияның жиілеуін басты себеп ретінде атады.
Жанкүйерлер өз мәлімдемесінде бұл бойкоттың «Қайраттан» бас тарту емес, фанаттық қауымдастыққа құрмет талап ету екенін ерекше атап өтті. Олар стадионға қайта оралу үшін полиция тарапынан күш көрсету тоқтатылып, фанаттық қозғалысты дамытуға мүмкіндік берілуі және стадионға кіру мәселелері шешілуі керек екенін айтты.
Қазір «Қайрат» 2025 жылғы маусымда 17 ұпай жинап, Қазақстан Премьер-лигасының турнир кестесінде көш бастап тұр.
Айбар Рысдаулет
«Алтын допқа» басты үміткерлері жарияланды
«Ақтөбе» мәскеулік ЦСКА-мен жолдастық матч өткізеді