Португалия Ұлттар лигасын екінші рет жеңіп алды
Фото: ANP via Getty Images
Португалия құрамасыУЕФА Ұлттар лигасының финалында Испанияны жеңіп, турнирдің жеңімпазы атанды. Финалдық матч Мюнхен қаласында өтті.
Ойынның негізгі және қосымша уақыты 2:2 есебімен аяқталды. Португалия сапынан Нуну Мендеш (26-минутта) пен Криштиану Роналду (61) гол соқты. Испанияның голдарын Мартин Субименди (21) мен Микель Оярсабаль (45) еншілеген.
Пенальти сериясында португалиялық футболшылар нақтырақ болып, 5:3 есебімен басым түсті. Бұл – Португалияның Ұлттар лигасындағы екінші жеңісі. Бұған дейін олар 2019 жылғы алғашқы маусымда чемпион атанған еді.
Ал Испания құрамасы қатарынан үшінші мәрте финалға шықты. 2021 жылы Францияға есе жіберіп, 2023 жылы Хорватияны жеңген болатын.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
Алдыңғы мақала:
Алькарас тағы да «Ролан Гаррос» жеңімпазы атандыКелесі мақала:
Роналду: «Әл-Насрда» қалатынын мәлімдеді