Париждегі финал: Данилинаға бір қадам жетпеді
Фото: Getty Images
Франция ашық чемпионатының жұптық сынының финалында Анна Данилина мен сербиялық Александра Крунич Олимпиада чемпионы, турнирдің екінші нөмірлі жұбы Сара Эррани мен Жасмин Паолиниге жол берді. Кездесу үш сетке созылып, 4:6, 6:2, 1:6 есебімен аяқталды.
Осы жолғы финал — Анна үшін тағы бір маңызды белес. Қазақстандық теннисші Grand Slam турнирлерінде бұған дейін де жарқырай ойнаған. 2023 жылы ол US Open жарысында микст бойынша чемпион атанса, 2022 жылы Australian Open финалында бақ сынаған болатын.
Спорт және мәдениет министрлігі Аннаны финалмен құттықтап, оның ел теннисі үшін қосқан үлесін атап өтті. Данилинаның табандылығы мен халықаралық деңгейдегі тұрақты нәтижелері отандық жанкүйерлер үшін зор мақтаныш.
Автор туралы
Айбар Рысдалует
Спортивный журналист и обозреватель. Специализируется на казахстанском футболе и олимпийских видах спорта. Побывал на Олимпийских играх в Токио и играх БРИКС.
Барлық авторлық жазбаларды көру
