Назым Қызайбай қазақ боксының тарихына өз атын жазды
Назым Кызайбай
Қазақстандық боксшы Назым Қызайбай Сербияның Ниш қаласында өткен 2025 жылғы әйелдер арасындағы әлем чемпионатында алтын медаль жеңіп алып, тарихи жетістікке жетті.
48 келіге дейінгі салмақтағы финалда ол ресейлік Юлия Чумғалаковадан басым түсіп, Қазақстан тарихындағы тұңғыш үш дүркін әлем чемпионы атанды. Бұған дейін бұл белесті елдің ерлер құрамасынан да ешкім бағындырмаған еді.
Назым Қызайбай алғаш рет әлем чемпионы атағын 2014 жылы Оңтүстік Кореяның Чеджу қаласында иеленді. Араға екі жыл салып, Астанада өткен әлем біріншілігінде тағы да топ жарды.
Ал биыл, 31 жасында, ол үшінші мәрте жеңіс тұғырының ең биігіне көтеріліп, қазақ боксының жаңа тарихын жазды.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
