Кроуфорд Әлімханұлының салмағына өтуі мүмкін
Фото: TKO Worldwide LLC via Getty Images
Екінші орта салмақта абсолютті чемпион атанған Теренс Кроуфордтың жаттықтырушысы Брайан «БоМак» Макинтайр Сауль «Канело» Альваресті жеңгеннен кейін шәкіртінің болашағы жайлы ойымен бөлісті, деп хабарлайды Pin-UpSport.kz.
Мамандардың айтуынша, Кроуфорд тағы екі-үш жекпе-жек өткізіп, содан кейін мансабын аяқтауы ықтимал. Сонымен қатар, ол орта салмаққа көтеріліп, алтыншы дивизионда белбеу үшін күш сынасуға ниет білдіруі мүмкін.
«Бұл айқас оған өте жеңіл көрінді. Тағы екі-үш жекпе-жекке шықсын. Біз дайындық лагерінде одан сайын көп еңбек етеміз. Егер ол орта салмаққа өтуді қаласа әрі соны өзіне сын деп қабылдаса, мен қарсы емеспін», — деді Макинтайр Fight Hub TV арнасына берген сұхбатында.
Айта кетейік, орта салмақтағы WBO және IBF белбеулері қазақстандық Жәнібек Әлімханұлына тиесілі. Ол бұған дейін Кроуфордпен жекпе-жекке дайын екенін мәлімдеген болатын.
