«Кайратқа» жаңа бразилиялық шабуылшы келмек
Эдмилсон. Фото: Getty Images
Meta-ratings.kz порталының мәліметінше, алматылық «Қайрат» командасы бразилиялық шабуылшы Эдмилсонмен келісімшарт жасаспақ. Қазіргі таңда ол бос агент ретінде қарастырылып отыр.
Соңғы екі маусымды Эдмилсон Словенияның «Целе» клубында өткізді. Ол бұл командамен бірге ел чемпионатын және ұлттық кубокты жеңіп алған. Барлығы 73 кездесуге қатысып, 19 гол соғып, 8 нәтижелі пас берген. Өткен маусымда «Целе» Конференциялар лигасының ширек финалына дейін жетіп, сол турнирде Эдмилсон «Нью-Сейнтс» қақпасына екі гол соққан.
Қазір ойыншы Алматыда жүр. Жақын күндері ресми түрде таныстырылып, тіпті алдағы Қазақстан Премьер-лигасындағы «Жетісуға» қарсы ойында алаңға шығуы мүмкін.
Айта кетейік, бұған дейін «Қайраттың» Ресей құрамасының шабуылшысы Фёдор Смоловқа қызығушылық танытқаны хабарланған еді. Алайда клуб бұл ақпаратты жоққа шығарды.
Айбар Рысдаулет
Ғалымжан Кенжебек: «Бұл мен үшін өте маңызды әрі ерекше матч болды»
Мерген Валерий Рахимжан әлем кубогында күміс жүлде жеңіп алды