Хусановты уақытша басқа командаға жіберу жоспарда бар
Абдукодир Хусанов. Фото: Getty Images
Өзбекстан құрамасының қорғаушысы Абдукодир Хусанов алдағы жазда «Манчестер Ситиден» кетуі мүмкін. Ол ағылшын клубына 2025 жылдың қаңтарында француздың «Ланс» командасынан 40 миллион еуроға ауысқан болатын.
Алайда жоғары бәсекелестікке байланысты жас футболшы тұрақты ойын практикасына қол жеткізе алмай жүр. Бас бапкер Хосеп Гвардиола Хусановты жалға беру бастамасын құптады. Себебі соңғы рет ол наурыз айында алаңға шыққан, ал соңғы төрт матчтың біреуіне де қатыспаған.
Қазіргі таңда қорғаушыны Англия Премьер-лигасы мен Еуропаның өзге де лигаларындағы бірнеше клуб өз қатарында көргісі келеді. Fichajes порталының мәліметінше, футболшының болашағына қатысты шешім жақын арада жаттықтырушылар штабы мен ойыншының өзара келісімімен қабылданады. Айта кетейік, Хусанов биылғы маусымда 6 матч өткізген. Оның қазіргі нарықтық құны – 35 миллион еуро.
Айбар Рысдаулет
Астанада дзюдодан Grand Slam турнирі қайта өтеді
Пэдди Пимблетт қазан айында октагонға оралады