«Хартс» «Рейнджерске» жол берді: Чесноков үзілісте ауыстырылды
Фото: SNS Group
Шотландия Премьер-лигасының 27-турында «Хартс» қонақта «Рейнджерске» 2:4 есебімен жеңілді, деп хабарлайды Pin-UpSport.kz. Глазгода өткен матчта алаң иелері нәтижелі жеңіске жетті.
Есепті 16-минутта Марк Леонард ашып, қонақтарды алға шығарды. Алайда көп ұзамай Михаэль Штайнвендер өз қақпасына гол соғып, есеп теңесті. Бірінші таймда командалар тағы бір-бір голдан алмасты: Клаудио Брага «Хартсты» қайта алға шығарса, Юссеф Шермити таразы басын теңестірді.
Екінші таймда ойын тізгінін «Рейнджерс» өз қолына алды. 57-минутта Шермити дубль авторы атанып, ал қосымша уақытта тағы бір мәрте мергендік танытып, матчтың қорытынды есебін 4:2 етіп белгіледі. Қазақстандық вингер Ислам Чесноков негізгі құрамда алаңға шығып, үзілісте Пьер Кабореге ауыстырылды.
Жеңіліске қарамастан, «Хартс» 57 ұпаймен турнир кестесінің көшін бастап тұр. «Рейнджерс» екінші орынға көтеріліп, көшбасшыдан екі ұпайға ғана қалып келеді.
Айбар Рысдаулет
Луиш Нани Криштиану Роналдуның балалық шағы туралы пікір білдірді
WTA Дохадағы турнирден кейінгі жаңартылған рейтингті жариялады